ការផ្សាភ្ជាប់រវាងធម្មជាតិ និងជិវិតរស់នៅ វាជាកត្តាសំខាន់ សម្រាប់មនុស្សគ្រប់រូប ។ រៀងរាល់ចុងសប្តាហ៍ យើងតែងតែមានបំណងចង់នាំយកគ្រួសារ ឬមិត្តភក្រ ឬមនុស្សជាទីស្រឡាញ់របស់យើង ស្វែងរកកន្លែងដែលផ្តល់នូវសេចក្តីសុខទាំងផ្លូវកាយ និងផ្លូវចិត្ត ដើម្បីរក្សានូវអនុស្សាវរីយ៍ដ៏ផ្អែមល្ហែម ដែលជាការចង់ចាំមិនអាចបំភ្លេចបាន ។ TINY HOUSE ជារចនាបទសំណង់បែបបច្ចឹមប្រទេស ដែលបង្កើតឡើងសម្រាប់ការស្នាក់លម្ហែរ នៅតំបន់ជនបទ ចំការ ព្រៃភ្នំ តាមដងអូរ។ល។ ឥឡូវនេះត្រូវបានបង្កើតឡើង នៅក្នុងភូមិកោះក្របី នៃរាជធានីភ្នំពេញ ដើម្បីបំពេញនូវតម្រូវការផ្នែកបដិសណ្ឋារកិច្ច បែបស្នាក់នៅកំសាន្ត និងបូកបញ្ជុលនូវសកម្មភាពនានា ដែលមាននៅក្នុងភូមិសាស្រ្ត នៃភូមិកោះក្របី រួមមាន÷ ការទទួលបទពិសោធន៍ក្នុងការស្វែងយល់ពីជីវភាពរស់នៅរបស់ប្រជាជនក្នុងតំបន់ ការប្រមូលផលផ្កាម្លិះ និងការចាក់ភួងផ្កា ដើម្បីថ្វាយព្រះ និងតាំងលម្អរ ការប្រមូលផលផ្លែមាន ផ្លែចេក ផ្លែត្របែក ។ល។ តាមរដូវកាល ។ សកម្មភាពនានា នៅក្នុងកសិដ្ឋានអមរៈដែលជារម្មណីដ្ឋានមួយនៅក្នុងភូមិ រួមមាន÷ជិះកង់កំសាន្ត អាំងសាច់ជួបជុំគ្រួសារ លេងបាល់ទាត់ ហែលទឹក ស្វែងយល់ពីការដាំដុំសាលាដ និងបន្លែផ្សេងៗតាមរដូវ ពិសារកាហ្វេជាមួយបរិយាកាស បែបចំការ  ភ្លក់រស់ជាតិម្ហូបបែបខ្មែរតាមស្រុកស្រែចំការ ។ល។